Hvernig á ég að sækja um atvinnuleysisbætur?

Það fyrsta sem þú þarft að gera ef þú ert án atvinnu og ætlar að sækja um atvinnuleysisbætur er að fylla út rafræna skráningu.

Áður en þú byrjar rafrænu skráninguna skaltu athuga vel:

Þú skráir þig fyrsta daginn sem þú verður launalaus (ekki ef þú ert ennþá á uppsagnarfresti).
Þú kemur á þjónustuskrifstofu Vinnumálastofnunar innan tveggja vikna frá því að umsóknin var fyllt út með umbeðin gögn og skrifar undir umsóknina.
Greiðslutímabil atvinnuleysisbóta er frá 20. - 19. hvers mánaðar. Útborgunardagur 1. hvers mánaðar.
Fyrstu tíu virka daga eru greiddar grunnatvinnuleysisbætur, en eftir það tekjutengdar bætur eigi viðkomandi rétt á þeim í allt að þrjá mánuði en eftir það eru grunnatvinnuleysisbætur greiddar á ný.
Þeir sem hyggja á nám eða eru skráðir í nám þurfa að upplýsa og hafa samráð við ráðgjafa Vinnumálastofnunar vegna þessa.
Rafræn skráninga fer þannig fram: Valin er Nýskráning á heimasíðu Vinnumálastofnunar og stofnaður notandi. Þegar notandi hefur verið stofnaður þá er sendur staðfestingarpóstur á skráð netfang. Til að virkja umsóknina þarf að smella á tengilinn sem fylgir tölvupóstinum. Að því loknu er fylgt leiðbeiningum í umsókn. Velja Nýskráningu
Sjá upplýsingar um þjónustuskrifstofur Vinnumálastofnunar