Hugarfar og líkamsþróttur

	Ögun og reglufesta fylgir því að mæta alla virka daga til vinnu. Þú þarft að halda þessu tvennu við á meðan þú leitar að vinnu.
	Sjálfsnám eða annað skipulagt nám er ágæt aðferð til þess að viðhalda virkni þinni, ögun og reglufestu.
	Reglubundin hreyfing hressir þig andlega og líkamlega. Ef þú hefur stundað líkamlega erfiðisvinnu og ætlar þér að leita að þess konar vinnu þarftu helst að stunda erfiðar líkamsæfingar þangað til þú ferð í vinnu aftur.
	Efldu með þér jákvætt hugarfar. Jákvæð félagsleg samskipti og reglubundin hreyfing efla andlegan og líkamlegan þrótt þinn og hindra óæskileg áhrif aðgerðarleysis.