Sjálfboðaliðastarf

Ef þú hefur áhuga á því að taka þátt í sjálfboðaliðastarfi á meðan þú færð greiddar atvinnuleysisbætur geta frjáls félagasamtök gert samning við Vinnumálastofnun um slíkt. Með undirritun samningsins við Vinnumálastofnun hefur þú samþykkt að vera í virkri atvinnuleit samhliða starfi þínu sem sjálfboðaliði.

Ef þú telur að sjálfboðaliðastarf sé spennandi valkostur fyrir þig þá er mikilvægt að þú hafir samband við viðkomandi félagasamtök og látir vita af því að þú hafir áhuga á að taka þátt í sjálfboðaliðastarfi hjá þeim.